Det var den nydanna FOU-gruppa (forsking og utvikling) på Avdeling for helse- og sosialfag, knytte til fagfeltet rettleiing/coaching, som stod for det faglege innhaldet. Fagfolk frå høgskolane i Gjøvik, Hedmark og Lillehammer bidro til ein spennande dag for tidlegare studentar og andre rettleiingsinteresserte som gav positiv tilbakemelding.

Etterspurd tiltak
Tiltaket har lenge vore etterspurd og FOU-gruppa planlegg derfor no å arrangere ein årleg inspirasjonsdag der litteratur, nyheiter, metodar og forsking blir presentert. Eit mål i framhaldet vil også vere at ein slik dag kan hjelpe til med å utvikle eit miljø rundt FOU på fagområdet rettleiing og coaching i samarbeid med dei praktiske utøverane på feltet.