HiL > HiL > Nyheter > Arkiv 2010 > Arkiv 2009 > Arkiv > HiL med utvekslingsavtale i Frankrike
Skriv ut
HiL med utvekslingsavtale i Frankrike
Internasjonalt kontor opplever aukande interesse for utveksling blant HiLs studentar. Ca. 50 studentar har søkt om å få reise ut i vårsemesteret 2007. Dette er ny rekord! Sist veke skreiv HIL under på nok ein avtale om utveksling - i Champagne.
- Den positive utviklinga er eit uttrykk for at stadig fleire ser verdien og nytten av internasjonale erfaringar, seier leiar av Internasjonalt kontor Inger Elin Nes Hjelle.
Studiar i Champagne
Fredag 10. november hadde HIL gjesting av Thomas Majd, marketing director ved Groupe ESC de Troyes i Frankrike. ESC står for Ecole Supérieur dei Commerce. HIL har nett inngått ein Erasmus-avtale med denne institusjonen.
Utvekslingsavtalen vil kunne nyttast av studentar på BØA, BOL og reiseliv. ESC Troyes ligg i Champagne, 1,5 t. aust for Paris, og har ca. 6000 studentar.
I mange av faga er det undervisning på engelske, så forkunnskapar i fransk er ikkje ein føresetnad for å ta eit utvekslingsopphald der.
Fleire høve
HiL-studentar som ønskjer å reise på utveksling, får stadig fleire høve! Fachhochschule Ludwigshafen i Tyskland, Anadolu University i Tyrkia, University of Wollongong i Australia, University of Latvia og Hogeschool Leeuwarden i Nederland er nokre av dei nye samarbeidspartnerane.