Det var i mai i år at Kunnskapsdepartementet inviterte høgskolar og universitet til å søkje. Det planlagde Senteret skal etablerast i haust og det er sett av 1 million kronar i budsjettet for i år og heile 6 millionar i følgjande år.

Gode argument for Lillehammer
Det er mange gode argument for å leggje Nasjonalt senter for kunst og kultur i opplæringa
til Lillehammer med høgskolen som vertsinstitusjon.

• Høgskolen og regionen har lang erfaring og kompetanse i å utvikle prosjekt i samspel med aktørar nasjonalt og internasjonalt
• Høgskolen har sterke fagmiljø innan film, media, pedagogikk og oppvekst.
• Høgskolen har erfaring med senterdrift og sit inne med ein kompetanse som effektivt kan få senteret operativt i forhold til mandat og oppgåver.
• Lillehammer og regionen har sterke miljø innan kunst og kultur til dømes Lillehammer Kunstmuseum, Maihaugen, Norsk Litteraturfestival, Peer Gynt as og Kulturhuset Banken.
• Høgskolen har eit nært og sterkt samarbeid med skolesektoren lokalt og regionalt
• Lillehammer har ein sterk identitet og eit godt namn innanfor kunst og kultur, og har eit aktivt kulturliv og -tilbod.
• Høgskolen og kunst- og kulturmiljøa i byen har gode nettverk.

Utvikling i samspel
Høgskolen i Lillehammer vil utvikle senteret i samspel med kunst- og opplæringssektoren og forskings- og utdanningssektoren. Samspelet skal hjelpe til med å skape eit dynamisk senter med bruk av ny teknologi.

Den pedagogiske og organisatoriske modellen byggjer på tanken om aksjonslæring eller forskande partnarskap. Målet er å ta vare på partane sitt engasjement for utvikling, erfaring og kompetanse, og å skape gode og jamngode partnarskap mellom deltakarane.

Her kan du lese heile søknaden