Høgskolen i Lillehammer ønskjer gjennom kurset å gi omgrepet kreativitet konkret innhald og meining.

Fasilitatorskole
4. og 5. september kjem Stig Hjerkinn Haug frå Stig og Stein Idélaboratorium for å tilretteleggje for ein kreativ seanse for interesserte studentar.

Invitasjonen går til alle interesserte studentar ved Høgskolen i Lillehammer, som har ambisjon om å nytte tida ved Høgskolen i Lillehammer til å bli fagleg kreativ og problemløysande - og som vil prøve utvikle si eiga læring gjennom aktiv medverknad.

Så mange som 200 studentar har sjansen til å delta i det Stig kallar ein ”fasilitatorskole”. Med det meinest at når studentane har gått gjennom denne prosessen, kan dei sjølv bruke eigen kreativitet på ein meir konstruktiv måte. Dei vil også kunne leggje til rette for slike prosessar hos andre.

Kreativitet er ikkje minst viktig i oppstarten av nye studiar, slik at ein får mest mogeleg ut av studietida.

Program
Kurset består av to forelesningar og eit helgeseminar:

• Måndag 4.september i auditorium A kl. 1115 - 1400 - Forelesning ”Kreativitet” ved Stig Hjerkinn Haug, leier av Stig og Stein Idélaboratorium. Ope for alle.

• Tysdag 5.september i auditorium A kl.1415 - 1700 - Forelesning ”Innovasjon” ved Stig Hjerkinn Haug, leier av Stig og Stein Idélaboratorium. Ope for alle.

• I vekene 42 og 46 arrangerer Stig Hjerkinn Haug "Fasilitatorskole" som helgeseminar for 200 studentar i grupper av 20. Temaet er kreativitet og innovasjon knytte til utvikling av idéar. Prosessen blir leidd av trena lærarar. Påmelding.

Tidspunkta for seminar er torsdag kl. 0900-1600, fredag kl. 0900-1600 og laurdag kl.1000-1300. Kravet for deltaking er at du har delteke på forelesningar, kjøpt og lese studielitteraturen og er påmeld. Kursprov etter avslutta kurs.

Kurslitteraturen må kjøpast på Mjøsbok (kr.595,-).

Påmelding i Fronter (gjeld berre deltaking på seminar)