Det er viktig å understreke at prisen blir delt ut til eit miljø og ikkje til enkeltpersonar.

Formålet med ein studiekvalitetspris er:

• å framheve studiemiljø som arbeider godt med studiekvalitet
• å inspirere andre studiemiljø til å arbeide for god studiekvalitet gjennom gode eksempel

Fokus 2008 på studentevaluering
Studieutvalet ønskjer at fokus for prisen skal endrast kvart år, men at det forholdet som blir valt ut skal vere knytte til studiekvalitet.

Studieutvalet sin pris for god studiekvalitet vil i 2008 bli gitt eit miljø som har eit gjennomtenkt og velfungerande opplegg for gjennomføring av studentevaluering.

Studieutvalet vil i vurderinga leggje vekt på følgjande forhold:

• Kvaliteten i emneevalueringa
• I kva grad studentane sine synspunkt og tilbakemeldingar blir innhenta systematisk
• I kva grad dei studenttillitsvalde, eventuelt også andre studentar har blitt involvert i arbeidet med å utforme evalueringa og følgje den opp i ettertid
• På kva måte resultata av evalueringa blir brukt til å gjere forbetringar på studiet, eventuelt i samarbeid med dei studenttillitsvalde/studentane

Både større og mindre studiemiljø kan lønnast. Det blir lagt vekt på at opplegga for studentevalueringar er gjennomtenkte og tilpassa studiet.

Forslag på kandidatar innan 15. mars
Studieutvalet utnemner ein prisvinnar på bakgrunn av innkomne forslag. Forslaga skal vere grunngjeve. Både tilsette og studentar ved høgskulen kan nominere eit studiemiljø som kandidatar. Studiemiljøa kan foreslå seg sjølv som priskandidatar.

Eit vilkår for å motta prisen, er at prisvinnaren held ein presentasjon av vinnarforslaget der alle studentar og tilsette ved høgskulen blir invitert til å delta. Dette skal skje torsdag 17. april frå kl. 1300 i samband med Studiekvalitetsdagene 15. - 17. april. Same dag vil læringsmiljøutvalet dele ut prisen sin for godt læringsmiljø. Les meir.