HiL > HiL > Nyheter > Arkiv 2010 > Arkiv 2009 > Arkiv > Utlysing av mastergradsstipend
Skriv ut
Søknaden må innehalde:
- ei skisse på ei side der ein gjer greie for problemstillinga og metoden – det bør også gå fram kor langt ein er komen i arbeidet
- ei tilråding frå rettleiaren
- ei utdjuping av problemstillinga og metoden på maksimum tre sider
Søknaden kan sendast med brev eller e-post:
Språkrådet
Postboks 8107 Dep
0032 OSLO
Dersom du har spørsmål, kan du kontakte Dag F. Simonsen i Språkrådet på telefon 22 54 19 64 eller e-post dag.f.simonsen@sprakradet.no.
Sjå elles http://www.sprakradet.no/
Utlysing av mastergradsstipend
Hausten 2009 skal Språkrådet dele ut stipend til mastergradsstudentar som skriv oppgåve innanfor områda 'engelsk og norsk i Noreg' og 'bruk av norsk i samfunnet'. Det skal delast ut to stipend, kvart på 20 000 kroner. Søknadsfristen er 13. november 2009
Alle studentar som arbeider med relevante problemstillingar, kan søkje.
Ønskjer meir kunnskap
Språkrådet er interesserte i å få meir kunnskap både om faktisk bruk av engelsk innanfor ulike samfunnssektorar, haldningar til engelsk og norsk og faktorar som fremjar bruk av engelsk i staden for norsk.
Dei ønskjer også meir kunnskap om vilkåra for å bruke norsk i ulike variantar – i kvardagen, i skolen, i ungdomsmiljø, i arbeids- og næringslivet, i forvaltninga, i media (også mediebruk og reklame), i universitets- og høgskolesektoren osv.
Dette femner også om haldningar, strukturar og identitetsoppleving knytt til språkbruk. Forholdet mellom bruk av bokmål og nynorsk og mellom bruk av norsk og minoritetsspråk har interesse – for eksempel språkveksling, bakgrunnen for individuelle språkval og korleis rettskrivingsreglane, lærebøkene og opplæringa i to målformer fungerer.
Språkrådet kjem til å prioritere søknader som kan føre til kunnskap om viktige nye utviklingstrekk.