Høgskolen i Lillehammer (HiL) har som sitt formål å drive høgare utdanning og forsking. Høgskolen har ca. 4000 studentar, 700 av dei er deltids- og fjernundervisningsstudentar, og 290 tilsette.

HiL har delt den faglege verksemda si i fem avdelingar i tillegg til oppdragseininga Senter for livslang læring (SELL). Dei fem er:

• Avdeling for helse- og sosialfag (AHS)
• Avdeling for humaniora, idrett og samfunnsvitskap (HIS)
• Avdeling for økonomi- og organisasjonsvitskap (ØK.ORG.)
• Avdeling for TV-utdanning og filmvitskap (TVF)
• Den norske filmskolen

HiL ligg i eit klassisk parkmiljø på Storhove, knapt fem kilometer nord for Lillehammer sentrum. Den held til i vakre bygningar, nokre gamle og ærverdige, nokre nye og moderne.

Ein problembasert læringsmodell med tett oppfølging av studentane har frå starten i 1970 vore grunnlaget for undervisninga. Prinsippet om at undervisninga skal byggje på forsking, er retningsgivande ved høgskolen.