Bjørnsonforelesninga skal kome frå ein talarstol for framifrå forfattarar, med engasjement i samfunnsspørsmål, nasjonalt og internasjonalt. Problemstillingar knytte til kamp for ytringsfridom, menneskerettar og demokrati er særleg relevante.

Arrangementet blei gjennomført for fyrste gong 31. mai 2007 som ein del av Norsk litteraturfestival - Sigrid Undset dagene.

Forelesninga finn stad i høgskulen si storstove - Bjørnstjerne Bjørnsons auditorium - og skal vere ein del av dei samfunnsmessige formidlingsoppgåvene til høgskulen.

Bjørnsonforelesninga er eit samarbeid mellom Høgskolen i Lillehammer, Nansenskolen og Maihaugen. Med på laget er også Lillehammer kommune, Gausdal kommune, Studentsamskipnaden i Oppland og Fritt Ord.

Om Bjørnstjerne Bjørnson (1832 - 1910)

Bjørnstjerne Bjørnson blei samtidas store kulturpersonlegdom innan det litterære, kulturelle og politiske livet. Han tok eit klart standpunkt for dei små i samfunnet og for dei små nasjonane sin rett til fridom og sjølvstende.

Bjørnson budde på Aulestad i Follebu frå 1875 og fram til han døydde i 1910.

Les meir om Bjørnstjerne Bjørnson på maihaugen.no